Plantun de Prouvènço

Pèr coumpara dos planto d'encò nostre

Poa compressa & Eupatorium cannabinum

Margai(-di-cambo-plato)

Poa compressa

Poaceae Graminaceae

Autre noum : Péu-de-chin.

Nom en français : Pâturin à tiges aplaties.

Descripcioun :
Aquéu margai trachis dins li faio e àutri bos un pau fres de nòsti colo. Es uno planto renadivo emé uno souco que rebalo. Si cambo soun plato (li faire vira dins li det). Se destrìo peréu dóu péu-de-chin, Poa pratensis, que si nous de la cambo se vèson bèn e soun souvènt brun, e que si lemma soun peludo soulamen dins lou 1/3 d'en bas.

Usanço :
Es uno bono erbo pasturiero.

Port : Erbo
Taio : 10 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Poa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 10 cm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Mai à setèmbre

Liò : Blachiero - Champ - Ribiero
Estànci : Mesoumediterran à Mountagnard
Couroulougi : Bourealo
Ref. sc. : Poa compressa L., 1753

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.